அருமையானவர்களே, வேத சத்தியங்களை முறையாக அறிந்து கொள்ள தொடர்ந்து எங்களோடு இணைந்து கொள்ளும் உங்களுக்காக கர்த்தரை துதிக்கிறோம். இவ்வாறு நீங்கள் எங்களோடு இணைந்து கொள்ளும் ஒவ்வொரு மணித்துளியும் உங்கள் வாழ்க்கைக்கு பயனுள்ளதாக இருக்க வேண்டும் என்று தொடர்ந்து ஜெபிக்கிறோம். கர்த்தர் உங்கள் வாழ்க்கையிலும் பெரிய காரியங்களை செய்வாராக. இந்த தொடர் நிகழ்ச்சி மூலமாக நீங்கள் ஆசிர்வதிக்கப்படுவதை அறிந்து கர்த்தரை ஸ்தோத்தரிக்கிறோம்.

இன்று நாம் ஆதியாகமம் 10: 1 முதல் 11: 3 வரை சிந்திக்கப் போகிறோம்.
இந்த பத்தாம் அதிகாரம் வம்ச வரலாறுகள் மற்றும் குடும்பங்களை பற்றிய ஒரு அதிகாரம்.‌ இவர்களே உலகத்தின் நாடுகளின் தோற்றமாக இருக்கிறார்கள். இந்த அதிகாரத்திற்கு நாம் கொடுக்கும் ஒரு இடத்தை விட இது மிக முக்கியமானது. நீங்கள் மானிட இனவியல் அதாவது Ethnolog மானிடவியல் அதாவது anthropology‌ மற்றும் பூமியில் மனித குலத்தின் வரலாறு ஆகியவற்றிலே ஆர்வம் கொண்டவர் என்றால் இங்கே கொடுக்கப்பட்டிருக்கிறதை விட இன்னும் ஆழமான ஆய்வை நீங்கள் விரும்பலாம்.
மானிட இனவியல் முதுகலை பட்டம் பெற்ற H.S. மில்லர் என்பவர் நோவாவின் மூன்று குமாரர்களான ,சேம், காம் மற்றும் யாப்பேத்து ஆகியோரின் மூலம் வெளிப்படுத்தப்பட்ட மனித குடும்பத்தின் மும்மடங்கு பிரிவை அடிப்படையாகக் கொண்டு ஆதியாகமம் பத்தாம் அதிகாரத்தை பயன்படுத்தி நாடுகளின் தோற்றத்தை வரைபடம் ஆக்கியிருக்கிறார். சொல்லப் போனால்
யாப்பேத்தின் குமாரர்களோ அல்லது காமின் குமாரர்களோ – சிலர் இஸ்ரவேலின் காணாமல் போன 10 கோத்திரங்கள் என்று அழைக்கும் அந்த பிரிவை சேர்ந்தவர்கள் அல்ல என்பதை மானிட இனவியல் தெளிவாகக் கூறுகிறது.
இங்கே பத்தாம் அதிகாரத்தில் நோவாவின் மூன்று குமாரர்களுடைய வம்ச வரலாற்றை நாம் பார்க்கிறோம்.
ஆதியாகமம் 10:1
[1] நோவாவின் குமாரராகிய சேம், காம், யாப்பேத் என்பவர்களின் வம்சவரலாறு: ஜலப்பிரளயத்துக்குப்பின்பு அவர்களுக்குக் குமாரர் பிறந்தார்கள்.
………………..
யாப்பேத்தின் குமாரரை குறித்து இரண்டு முதல் ஐந்தாம் வசனம் வரையில் நாம் பார்க்கிறோம். காமுடைய குமாரரை குறித்து ஆறாம் வசனம் முதல் 20 வசனம் வரை வாசிக்கிறோம். சேம் உடைய சந்ததியை குறித்து 21 முதல் 32 ஆம் வசனம் வரை நாம் பார்க்கிறோம். வேதாகமம் முழுவதிலும் தேவன் இதே முறையை பின்பற்றுவதை நீங்கள் பார்க்கலாம். முதலில் புறக்கணிக்கப்பட்ட வம்சங்களை குறித்த விபரங்களை கொடுத்து அவர்களைப் பற்றி ஓரிரு வார்த்தைகளில் கூறுகிறார். பின்னர் அதை முழுமையாக விட்டு விடுகிறார். அதை மீண்டும் ஒரு பொழுதும் கொண்டு வருகிறது இல்லை. இறுதியாக அவரால் ஏற்றுக்கொள்ளப்பட்ட வம்ச வழியைக் குறித்து
தொடர்ந்து விபரமாக சொல்லுகிறார். அதுவே கர்த்தராகிய இயேசு கிறிஸ்துவை நோக்கி நம்மை எடுத்துச் செல்லும் வழியாக இருக்கிறது.
ஆதியாகமம் 10:2
[2] யாப்பேத்தின் குமாரர், கோமர், மாகோகு, மாதாய், யாவான், தூபால், மேசேக்கு, தீராஸ் என்பவர்கள்.
……………….
H .S. மில்லர் என்பவரின் வரைபடத்தின்படி, சித்தியர்கள் (Scythians), சிலாவியர்கள் (Slavs), ரஷ்யர்கள், பல்கேரியர்கள், போஹிமியர்கள் (Bohemians), போலந்து நாட்டவர் (Poles), ஸ்லோவாக்கியர்கள், மற்றும் குரோஷியர்கள் ஆகியோர் ‘மாகோகு’ (Magog) வம்சத்திலிருந்து வந்தவர்கள். இந்தியர்களும், ஈரானிய இனங்களான மேதியர்கள், பெர்சியர்கள், ஆப்கானியர்கள், மற்றும் குர்து இனத்தவர்கள் ஆகியோர் ‘மாதாய்’ (Madai) வம்சத்திலிருந்து வந்தவர்கள். ‘யாவான்’ (Javan) வம்சத்திலிருந்து கிரேக்கர்கள், ரோமானியர்கள் மற்றும் பிரெஞ்சு, ஸ்பானிஷ், போர்த்துகீசியம், இத்தாலியன் போன்ற ரொமான்ஸ் (Romance) மொழி பேசும் தேசத்தினர் உருவானார்கள்.

‘தீராஸ்’ (Tiras) வம்சத்திலிருந்து திரேசியர்கள் (Thracians), டியூட்டன்கள் (Teutons), மற்றும் ஜெர்மானியர்கள் வந்தனர்; அதிலிருந்து கிழக்கு ஜெர்மானிய மற்றும் ஐரோப்பிய இனங்கள், வட ஜெர்மானிய அல்லது ஸ்காண்டிநேவியர்கள் மற்றும் மேற்கு ஜெர்மானியர்கள் உருவானார்கள். இந்த மேற்கு ஜெர்மானிய பிரிவிலிருந்தே ஹை ஜெர்மன் (High German), லோ ஜெர்மன் (Low German) மற்றும் ஆங்கிள்ஸ், சாக்சன்ஸ், ஜூட்ஸ் (Angles, Saxons, Jutes) ஆகிய ஆங்கிலோ-சாக்சன் இனமும், ஆங்கில மக்களும் தோன்றினர்கள். என்று விவரமாக கூறியிருக்கிறார்.
இந்த இனத்தைச் சேர்ந்தவர்கள் தான் அமெரிக்கா நாட்டிலும் வாழ்கிறார்கள்.

வசனம் ஆறு பாருங்கள்.
ஆதியாகமம் 10:6
[6] காமுடைய குமாரர், கூஷ், மிஸ்ராயீம், பூத், கானான் என்பவர்கள்.
……………………
அருமையானவர்களே இங்கே நாம் பார்ப்பது போல காமுக்கு மற்ற மகன்களும் இருந்திருக்கிறார்கள். ஆனால் சாபம் கானான் மீது மட்டுமே இருந்தது. அது ஏன் மற்றவர் மீது இல்லை என்பதை பற்றி நமக்கு தெரியவில்லை. கானானியர்களிடமிருந்துதான் பெனிக்கியர்கள்/ இத்தியர்கள் / எபூசியர்கள் / எமோரியர்கள் / கிர்காசியர்கள் / ஏவியர்கள் போன்றவர்கள் வந்தார்கள்.
மேலும் காமின் மகனான கூஷிடம் இருந்து ஆப்பிரிக்கர்கள் /எத்தியோப்பியர்கள் / எகிப்தியர்கள் / லிபியர்கள் போன்றவர்கள் வந்தார்கள். இந்த இனங்கள் அனைத்தும் காமிய வம்சத்தை சேர்ந்தவை. இதை நாம் புரிந்து கொள்ள வேண்டும். இப்பொழுது நாம் கூஷினுடைய ஒரு மகனை பற்றிய சில விவரங்களை பார்க்க போகிறோம்.
ஆதியாகமம் 10:8-9
[8] கூஷ் நிம்ரோதைப் பெற்றான்; இவன் பூமியிலே பராக்கிரமசாலியானான். [9] இவன் கர்த்தருக்கு முன்பாகப் பலத்த வேட்டைக்காரனாயிருந்தான்; ஆகையால், கர்த்தருக்கு முன்பாகப் பலத்த வேட்டைக்காரனான நிம்ரோதைப்போல என்னும் வழக்கச்சொல் உண்டாயிற்று.
………………..

இவன் பூமியிலே பராக்கிரமசாலியாய் இருந்தான் என்று சொல்லும் பொழுது அன்றைய உலகத்தின் ஆளுநராக முயற்சி செய்தான் என்று சொல்லலாம். மேலும் இவன் கர்த்தருக்கு முன்பாக பலத்த வேட்டைக்காரனாக இருந்தான் என்று வாசிக்கிறோம். இப்படி சொல்வதுனாலே ஆப்பிரிக்க காடுகளிலே சிறப்பாக இவன் வேட்டையாடினான் என்பது பொருள் அல்ல. பொதுவாக வாலிபர்கள் துப்பாக்கி அல்லது வேறு ஆயுதங்களை எடுத்துக் கொண்டு வேட்டைக்கு செல்லும் பொழுது ஒரு சின்ன சிட்டுக்குருவியை அடித்துவிட்டால் கூட நிம்ரோத்தை போல இவன் பெரிய வீரன் என்று சொல்வார்கள். ஆனால் உண்மையில் அவன் அப்படி அல்ல. பிரியமானவர்களே நிம்ரோத் ஆட்களை ஆதாயம் செய்கிறவனாய் இருந்திருக்க வேண்டும். இதைக் குறித்து தான் இப்படி சொல்லப்பட்டிருக்கிறது என்று ஒரு வேத அறிஞர் கூறியிருக்கிறார்.
அடுத்த வசனம் பாருங்கள்.

ஆதியாகமம் 10:10
[10] சிநெயார் தேசத்திலுள்ள பாபேல், ஏரேக், அக்காத், கல்னே என்னும் இடங்கள் அவன் ஆண்ட ராஜ்யத்திற்கு ஆதி ஸ்தானங்கள்.
…………………
கவனித்தீர்களா? சினையார் தேசத்தில் உள்ள அந்த பட்டணங்களை / மாபெரும் நகரங்களை நிறுவியது இந்த நிமிரோத் தான். நிம்ரோத்தை பற்றி பல கதைகள் இருக்கின்றன. அவைகளை நீங்கள் மதச்சார்பற்ற வரலாற்றில் இருந்தும் அறிந்து கொள்ளலாம். அலெக்சாண்டர் ஹிஸ் லாப் என்பவர் The Two Babylons என்ற புத்தகத்தில் நிம்ரோத்தின் பின்னணியை கொடுத்திருக்கிறார்.‌ அந்த விபரங்களை நாம் பார்க்கப்போவதில்லை. ஆனால் பாபேல் கோபுரத்தை கட்டுவதற்கு நிம்ரோத் எப்படி காரணமாக இருந்தான் என்பது ஒரு சுவாரஸ்யமான கதையாகும். பெருவெள்ளத்திற்கு பிறகு மனித இனத்தை ஒன்றிணைத்துதான் ஒரு மாபெரும் உலக ஆட்சியாளராக மாறக்கூடிய ஒரு தேசமாக அவர்களை உருவாக்க முயற்சி செய்தான். அவன் ஒரு கலகக்காரன் . பாபேலை நிறுவியவன் அவன்தான். அவன் மனித ஆத்துமாக்களை வேட்டையாடுபவன். அவன் சட்டத்திற்கு புறமானவன். மேலும் அவன் இனிமேலும் தோன்றப் போகும் கடைசி உலக ஆட்சியாளரான அந்தி கிறிஸ்துவுக்கு ஒரு நிழலாக அல்லது முன் உதாரணமாய் இருக்கிறான் என்று சொல்லலாம்.
எனவே முதல் மாபெரும் நகரம் காமின் குமாரர்களிடத்திலிருந்து உருவானது இதை நாம் அங்கீகரிக்க வேண்டும். சரி இப்பொழுது கருப்பு இன மக்கள் தங்கள் இனத்தைப் பற்றிய கூடுதல் ஆய்வுகளை விரும்புகிறார்கள். நான் அவர்களை குறை கூறக் கூடாது. கடந்த பல நூறு ஆண்டுகளில் அவர்களுக்கு அதற்கான வாய்ப்பு வழங்கப்படவில்லை. கருப்பு இன மக்களின் ஆரம்ப கால வரலாறு என்னவென்றால் இந்த பூமியில் தோன்றிய முதல் இரண்டு மாபெரும் நாகரிகங்களுக்கு அவர்களே தலைமை தாங்கினார்கள். அவை காமின் குமாரர்களிடத்தில் இருந்து வந்தவை. நிம்ரோத் காமின் ஒரு குமாரனாவான்.
இதைக் குறித்து நாம் மேலும் விபரமாக படிக்கப் போவதில்லை பரிசுத்த ஆவியானவர் ஏற்படுத்திய ஒரு முறையைத்தான் நாமும் இங்கே பின்பற்றுகிறோம் அதாவது நிராகரிக்கப்பட்ட வம்சங்களை முதலிலே சொல்லிவிட்டு பிறகு அதை அவர் விட்டுவிடுவார். இப்பொழுது நாம் ஆபிரகாமுக்கும் அதன் பிறகு இஸ்ரவேல் தேசத்திற்கும் இறுதியாக இந்த உலகத்திற்கு கிறிஸ்துவின் வருகைக்கும் வழி வகுக்கும் வம்சாவளியை தொடர்ந்து பார்க்க போகிறோம். பழைய ஏற்பாடு முழுவதும் நாம் இந்த வம்சாவளியை பின்பற்றலாம். தேவன் தற்போதைக்கு மற்ற மனித குலத்திற்கு விடை கொடுத்து வட்டார். ஆனால் அவர் பின்னர் மீண்டும் அவர்களிடம் வருவார்.
Saphir என்பவர் எழுதிய The divine unity of scripture என்ற புத்தகத்தில் இருந்து ஒரு மேற்கோள் நான் உங்களுக்கு காட்ட விரும்புகிறேன்.
கவனியுங்கள் வாசிக்கிறேன்.
ஆதியாகமம் பத்தாம் அதிகாரம் மிகவும் குறிப்பிடத்தக்க ஒரு அதிகாரமாகும். தேவன் மற்ற தேசங்களை அவற்றின் போக்கிலேயே விட்டுவிட்டு, ஆபிரகாம் முதல் தமக்கு தெரிந்து கொள்ளப்பட்ட ஜனமான இஸ்ரவேலர்களுடன் இடைபடத் தொடங்குவதற்கு முன்பாக பூமியின் மற்ற அனைத்து தேசங்களிலும் இருந்தும் ஒரு அன்பான விடை பெறுதலை மேற்கொள்கிறார். அது – நான் சிறிது காலம் உங்களை விட்டுப் பிரியப் போகிறேன். ஆனால் நான் உங்கள் மேல் அன்பு வைத்திருக்கிறேன். நானே உங்களை படைத்தேன். உங்கள் எதிர்காலம் அனைத்தையும் நானே ஒழுங்கு படுத்தினேன் என்று கூறுவது போல இருக்கிறது. மேலும் அவற்றின் பல்வேறு வம்சா வழிகளும் இங்கே வரிசைப்படுத்தப்படுகின்றன
ஆதியாகமம் 10 ஆம் அதிகாரத்தில் 70 தேசங்கள் பட்டியலிடப்பட்டுள்ளன. அவற்றில் 14 தேசங்கள் யாபேத்திடமிருந்து வந்தவை 30 தேசங்கள் காமிடமிருந்து வந்தவை இதை நாம் மறந்து போகக்கூடாது. இது கருப்பு இன மக்களின் தொடக்கத்தை பற்றிய ஒரு மாறுபட்ட கருத்தை உங்களுக்கு வழங்கலாம். மேலும் 26 தேசங்கள் சேமிடமிருந்து வந்தவை ஆக மொத்தம் இந்த வம்ச வழியில் வந்தவர்கள் 70 தேசங்களாக பட்டியலிடப்பட்டிருக்கின்றன.
உலக நாடுகளைக் கொண்டு தேவன் என்ன செய்திருக்கிறார் என்பதை அவர் நமக்கு காட்டுகிறார் என்று நாம் நினைக்கலாம். நம்முடைய காலத்தில் வெள்ளை இனத்தவர் ஏன் இவ்வளவு முக்கியத்துவம் பெற்றுள்ளனர்? அதற்கான காரணத்தை நாம் கவனிக்க வேண்டும் ஏனென்றால் ஆரம்ப காலத்தில் கருப்பு இன மக்களும் ஏனைய வண்ண இனத்தவருமே முக்கியத்துவம் வாய்ந்தவர்களக இருந்தார்கள். அதன் பின் தாவீது மற்றும் சாலமோனின் காலத்தில் சேமின் குமாரர்கள் இந்த உலகில் மிகப்பெரிய தாக்கத்தை ஏற்படுத்தினார்கள். மேலும் சேமிடமிருந்து சீரியர்கள் லீதியர்கள் மற்றும் ஆர்மீனியர்கள் போன்றவர்களும் , அதேபோல் யோக்தானிடமிருந்து (Joktan)
அரேபியர்களும் வந்ததை நீங்கள் கவனிக்கலாம். இந்த மாபெரும் தேசங்கள் அடுத்தடுத்து உருவாகின. தற்போது நாம் இருக்கும் காலம் வெள்ளை எனத்தவர் முன்னிலைக்கு வந்துள்ள ஒரு காலப் பகுதியாக தெரிகிறது .காமின் குமாரனாக இருந்தாலும் அல்லது யாப்பேத்தின் குமாரனாக இருந்தாலும் யாராக இருந்தாலும் அவர்களால் இந்த உலகத்தை ஆள முடியாது என்பதை இம்மூன்று தரப்பினரும் நிரூபித்துக் கொண்டிருப்பதாகவே நமக்கு தோன்றுகிறது. தேவன் இதை நமக்கு மெய்ப்பித்து மெய்ப்பித்துக் காட்டுகிறார் என்று சொல்லலாம் இதை புரிந்து கொள்வது ஒரு மகத்தான காரியம்.

ஆதியாகமம் 10:25
[25] ஏபேருக்கு இரண்டு குமாரர் பிறந்தார்கள்; ஒருவனுக்குப் பேலேகு என்று பேர்; ஏனெனில் அவனுடைய நாட்களில் பூமி பகுக்கப்பட்டது; அவனுடைய சகோதரன் பேர் யொக்தான்.
………………
பூமி பகுக்கப்பட்டது என்பதற்கு பலவிதமான விசித்திரமான விளக்கங்கள் கொடுக்கப்படுகிறது.‌ அதாவது இது பூமியில் ஏற்பட்ட ஒரு பௌதீக பிரிவினை என்றும் பூமி ஏதோ ஒரு மிகப்பெரிய இயற்கை பேரழிவிற்கு உள்ளாயிருக்க வேண்டும் என்றும் கூறப்படுகிறது. ஆனால் அருமையானவர்களே மோசே இங்கே செய்வது என்ன? பாபேல் கோபுரத்தை பற்றிய வரலாற்றை சொல்லும் முன் அடுத்த அதிகாரத்தை பற்றி ஒரு முன் அறிவிப்பை இங்கே நமக்கு தருகிறார் அந்த நேரத்தில் தான் பூமி பகுக்கப்பட்டது அதாவது மக்கள் பிரிக்கப்பட்டார்கள் என்று கூறப்பட்டுளது. பெரும்பாலமான மக்கள் தவற விடும் எளிமையான விளக்கம் தான் இது.

ஆதியாகமம் 10:32
[32] தங்கள் ஜாதிகளிலுள்ள தங்களுடைய சந்ததிகளின்படியே நோவாவுடைய குமாரரின் வம்சங்கள் இவைகளே; ஜலப்பிரளயத்துக்குப்பின்பு இவர்களால் பூமியிலே ஜாதிகள் பிரிந்தன.
………………….
இந்த அதிகாரத்திற்கு மிக குறைந்த இடத்தையே நாம் ஒதுக்கி இருந்தாலும் இது வேதாகமத்தின் மிகச்சிறந்த அதிகாரங்களில் ஒன்று என்பதை நினைவு படுத்த விரும்புகிறேன் மனுக்குலத்தை பற்றிய ஒரு சரியான மதிப்பீட்டைப் பெற விரும்பும் யாரும் இது எவ்வளவு ஆழமான ஆய்வுக்குரிய ஒரு பகுதி என்பதை நிச்சயமாக பார்க்க முடியும். ஒரு சிறந்த நோக்கத்திற்காக பலர் இந்த குறிப்பிடத்தக்க அதிகாரத்தை பயன்படுத்தி இருக்கிறார்கள்.

தொடர்ந்து 11-ம் அதிகாரத்திலிருந்தும் சில வசனங்களை பார்ப்போம்

ஆதியாகமம் 11:1
‘
1பூமியெங்கும் ஒரே பாஷையும், ஒரே விதமான பேச்சும் இருந்தது. ‘
……………………..

“அந்தக் காலத்தில் மக்கள் என்ன மொழி பேசினார்கள் என்றுநமக்கு தெரியாது..தங்கள் மொழியை குறித்த பெருமை உள்ள சில, அந்நாட்களிலே பாதையில் கோபுரம் கட்டப்படும் பொழுது தங்கள் மொழியைத்தான் எல்லாரும் பேசினார்கள் என்று வேடிக்கையாகவும் சற்று பெருமையாகவும் பேசிக்கொள்வார்கள். ஆனால் அது என்ன மொழி என்பது நமக்குத் தெரியாது. அந்த மொழி எதுவாக இருந்தாலும், பரலோகத்தில் பேசப்படப்போகும் மொழியும் அதுவாகத்தான் இருக்கும் என்று சிலர் நம்புகிறார்கள். ஆனால் அது நாம் இன்று பேசும் மொழிகளை விடச் சிறந்ததாகவும், இன்னும் தெளிவான பெயர்ச்சொற்கள், வினைச்சொற்கள், வினையுரிச்சொற்கள் கொண்டதாக இருந்திருக்கும்.
இரண்டாம் வசனம் பாருங்கள்.

ஆதியாகமம் 11:2
‘2ஜனங்கள் கிழக்கேயிருந்து பிரயாணம்பண்ணுகையில், சிநெயார் தேசத்திலே சமபூமியைக்கண்டு, அங்கே குடியிருந்தார்கள். ‘
……………………

அவர்கள் கிழக்கிலிருந்து பிரயாணம்பண்ணுகையில் ‘—இங்கே கிழக்கிலிருந்து என்று சொல்லப்பட்டு இருப்பதை கவனியுங்கள். அப்படி என்றால் மனிதகுலம் அநேகமாக மேற்கு நோக்கி நகர்ந்து கொண்டிருந்தது. ‘அவர்கள் சிநெயார் தேசத்திலே ஒரு சமவெளியைக் கண்டார்கள்’, இது டைகிரிஸ்-யூப்ரடீஸ் (Tigris-Euphrates) பள்ளத்தாக்கில் அமைந்துள்ளது.”
ஆதியாகமம் 11:3
‘3அப்பொழுது அவர்கள்: நாம் செங்கல் அறுத்து, அதை நன்றாய்ச் சுடுவோம் வாருங்கள் என்று ஒருவரோடொருவர் பேசிக்கொண்டார்கள்; கல்லுக்குப் பதிலாக செங்கலும், சாந்துக்குப் பதிலாக நிலக்கீலும் அவர்களுக்கு இருந்தது. ‘
…………………
அந்தப் பகுதியில் கற்கள் ஏதுமில்லை, அதனால் அவர்கள் செங்கற்களை உருவாக்கினார்கள். அதுவே அவர்களுடைய கட்டிடங்களின் உறுதியான தன்மையைப் பற்றி ஏதோ ஒன்றை வெளிப்படுத்துகிறது. இன்றும் கூட செங்கல் ஒரு பிரபலமான கட்டிடப் பொருளாக இருக்கிறது. இருப்பினும், அங்கே அவர்களுக்கு கற்கள் கிடைக்காததால் செங்கல் அதன் நடைமுறை பயன்பாட்டிற்காக அங்கே பயன்படுத்தப்பட்டது;
அந்தப் பகுதியில் இயற்கை கற்கள் கிடைக்காததால், மனிதர்கள் தங்கள் அறிவைப் பயன்படுத்தி செங்கற்களை உருவாக்கினார்கள். அவைகளை வெயிலில் காயவைக்காமல், அவற்றை “நெருப்பிலே சுட்டார்கள்” என்று வாசிக்கிறோம் (Burn them thoroughly). இது கட்டிடங்கள் மிக உறுதியாக இருக்க வேண்டும் என்ற அவர்களின் எண்ணத்தைக் காட்டுகிறது.

இந்த வசனங்களிலிருந்து நாம் கற்றுக்கொள்ள வேண்டிய முக்கிய பாட்ங்களை பார்ப்போம்:
முதலாவதாக மனிதனின் பெருமை: “நமக்கு ஒரு பேரையும் உண்டாக்குவோம்” என்று அவர்கள் எண்ணியது, கடவுளைச் சார்ந்திருக்காமல் தங்கள் சொந்த பலத்தில் தங்களை நிலைநிறுத்த முயன்றதைக் காட்டுகிறது.
வேதாகமத்தின்படி, “பெருமை” (Pride) என்பது வெறும் ஒரு குணம் மட்டுமல்ல, அது கடவுளுக்கும் மனிதனுக்கும் இடையிலான உறவைத் துண்டிக்கும் ஒரு மிகப்பெரிய தடையாகக் கருதப்படுகிறது.
நீதிமொழிகள் 16:18 என்ன சொல்கிறது பாருங்கள்.
அழிவுக்கு முன்னானது அகந்தை; விழுதலுக்கு முன்னானது மனமேட்டிமை.
……………………………
வேத வல்லுநர்கள் பெருமையை மூன்று முக்கிய நிலைகளாகப் பிரிக்கிறார்கள்:
முதலாவதாக ஆவிக்குரிய பெருமை: @@@@@@@@@இந்த பெருமை உள்ள ஒருவர் தான் மற்றவர்களை விட அதிக நீதிமான் அல்லது அதிக பக்தி உள்ளவன் என்று நினைப்பார்கள். இதற்கு உதாரணம் ஒன்றை சொல்வதென்றால் லூக்கா 18:9-14 இயேசு கூறிய : பரிசேயன் மற்றும் வரி வசூலிப்பவன் உவமையை கூறலாம்.
இரண்டாவதாக அறிவுசார் பெருமை:@@@@@@ அதாவது தனது புத்திசாலித்தனம் மற்றும் திறமையால் தான் எல்லாம் நடக்கிறது என்று எண்ணுவது. நேபுகாத்நேச்சார்”இது என் வல்லமையால் கட்டப்பட்ட பாபிலோன் அல்லவா?” என்ற மேட்டிமை கொண்டான். இதன் விளைவாக புத்தியை இழந்து 7 ஆண்டுகள் மிருகத்தைப் போல் வாழ்ந்தான்.
மூன்றாவதாக உலகப்பிரகாரமான பெருமை:@@@@@@@ செல்வம், அதிகாரம் மற்றும் அந்தஸ்தைக் கண்டு பெருமை கொள்வது.
அப்போஸ்தலர் 12: 22,23
2அப்பொழுது ஜனங்கள் இது மனுஷசத்தமல்ல, இது தேவசத்தம் என்று ஆர்ப்பரித்தார்கள்.
23அவன் தேவனுக்கு மகிமையைச் செலுத்தாதபடியினால் உடனே கர்த்தருடைய தூதன் அவனை அடித்தான்; அவன் புழுப்புழுத்து இறந்தான்.

இந்த வேத பகுதி நமக்கு கற்றுக் கொடுக்கும் மற்றும் ஒரு பாடம் என்னவென்றால்: “பூமியை நிரப்புங்கள்” என்ற கடவுளின் கட்டளைக்கு மாறாக, அவர்கள் ஓரிடத்தில் குவிய விரும்பினார்கள். இயற்கையாகவே மனிதன் தேவனுடைய கட்டளையை மீறுபவனாய் இருக்கிறான். வேத வசனங்களை முறையாக கற்றுக் கொள்ளும் பொழுது, தேவன் நம் இருதயத்தில் கொடுக்கும் பல திட்டவட்டமான கட்டளைகளை நாம் அறிந்திருக்கிறோம். அவைகளுக்கு நாம் கவனமாய் கீழ்ப்படுகிறோமா? அல்லது தவறு என்று தெரிந்தாலும் தேவனுடைய கட்டளையை மீறி நடக்கிறோமா என்பதை சிந்தித்துப் பார்க்க வேண்டும். தேவன் எந்த ஒரு கட்டளையை நமக்கு கொடுத்தாலும் அதை குறித்து திட்டவட்டமான உன்னதமான ஒரு நோக்கத்தை வைத்திருப்பார். எனவேதான் தேவனுடைய கட்டளைகளை நாம் புரிந்து கொள்ள முடியாவிட்டாலும் அவருக்கு முழுமையாய் கீழ்ப்படிய வேண்டியது நம்முடைய பிரதானமான கடமையாக இருக்கிறது.
மேலும் இந்த வேத பகுதி நமக்கு கற்றுக் கொடுக்கும் இன்னுமொரு சத்தியம்
உலகம் முழுவதும் உள்ள அனைத்து மனிதர்களும் ஒரே மூலத்திலிருந்து அதாவது நோவாவின் குடும்பத்திலிருந்து வந்தவர்கள் என்பதை இது உறுதிப்படுத்துகிறது. இந்த பூமியின் வெவ்வேறு பகுதிகளில் நாம் வாழ்ந்து கொண்டிருந்தாலும், வெவ்வேறு நிறம் உள்ளவர்களாக காணப்பட்டாலும், வெவ்வேறு மொழி பேசுபவர்களாக இருந்தாலும் நாம் யாவரும் நோவாவின் சந்ததியாய் இருக்கிறோம்.
நம்முடைய பலவிதமான வேறுபாடுகள் இருந்தாலும் , தேவனுடைய சமூகத்தில் நான் பாவிகளாய் இருக்கிறோம். என்றாலும் மனக்குலம் அனைத்தின் பாவங்களுக்காகவும் பரிகாரியான இயேசு கிறிஸ்து சிலுவையில் நம் தண்டனைகளை ஏற்றுக் கொண்டார். இந்த உண்மையை உள்ளத்தின் ஆழத்திலே விசுவாசிக்கும் ஒவ்வொருவருக்கும் தேவருடைய பிள்ளைகளாகும் அதிகாரத்தை கொடுத்திருக்கிறார்.
எனவே தான் யோவான் ஒன்று பன்னிரண்டில் வாசிக்கிறோம்
’12அவருடைய நாமத்தின்மேல் விசுவாசமுள்ளவர்களாய் அவரை ஏற்றுக்கொண்டவர்கள் எத்தனை பேர்களோ, அத்தனை பேர்களும் தேவனுடைய பிள்ளைகளாகும்படி, அவர்களுக்கு அதிகாரங்கொடுத்தார். ‘
யோவான் மூன்று 16ிலும் எவனோ என்ற வார்த்தை உலகத்தின் எந்த மனிதனுக்கும் பொருத்தமானது. தேவன் படைத்த மனிதன் அவரை விட்டு எவ்வளவு தூரம் போனாலும் அவனைக் குறித்து கரிசனை உள்ள கர்த்தர் நிச்சயமாய் அவன் தன்னோடு வாழ ஒரு மாபெரும் திட்டத்தை வகுத்திருக்கிறார் இதைத்தான் யோவான் 3 16 இல் வாசிக்கிறோம்
’16தேவன், தம்முடைய ஒரேபேறான குமாரனை விசுவாசிக்கிறவன் எவனோ அவன் கெட்டுப்போகாமல் நித்தியஜீவனை அடையும்படிக்கு, அவரைத் தந்தருளி, இவ்வளவாய் உலகத்தில் அன்பு கூர்ந்தார். ‘
இந்த மாபெரும் அன்பை புரிந்து கொண்டு நாமும் உண்மையான மனதோடு அவரின் அன்பு கூறுவோமா?

ஜெபம் செய்வோம்.